《檸檬乾(檸檬干)》Ⅱ(口訣-台語版) - 水果料理 - 水果研究室

水果主題館

		水果料理
	字型調整：大標準小《檸檬乾(檸檬干)》Ⅱ (口訣-台語版) 　我叫麗惠，是住佇黎明社區的厝邊，嘛是，台灣百合文化協會的會員，真歡喜，佇遮，呷做好食，檸檬乾的步數，報乎大家來參考。人講，穿插欲媠，無撇步，畢(pit)扎(tsah)合軀(su)是第一步，若講做食，更加魅煞哩糊塗，愛知原由才會進步，今年風調雨順，五穀大豐收，水果纍纍滿樹欉，蕃薯若瓜滿田園，大家有福氣，檸檬俗甲無三無四，買轉來曬干正對時。鹼酸甜是喙吃物，酸甘甜，是好滋味，欲有好滋味，請恁詳細來聽起。第一欲買是『梅仔粉』，看色嗅phi味，吃看嘛，色若紅，作起來較烏，色若白，作起來(pu)灰黃，味若香是上等，用喙嚐看嘛，有甜，有甘是正版，一般攏有夠鹼，『絕對勿免閣落鹽』，水果本身攏有甲(酵)素，『加寡糖會發酵，傷鹼破害酵素』，食就無採工。一斤梅粉配13~16斤檸檬免懷疑，摻13~16兩的白糖嘛可以，彼是阮做的口味，鹼淡隨人佮意，合吃佮喙著可以，撿檸檬要青閣媠，皮厚曬有額，皮薄有湯嘛有酸，洗好放予焦水蒂頭切掉，剝半蓋落去切，傾斜刀駛厲手 12345678910，尾塊拍倒閣切3刀，遮是阮的刀路，嘛是檸檬的厚度。傳一個白鐵仔鍋，佮蓋，梅仔粉(留2兩)賰的佮白糖，檸檬片，全部攪(tsiau)落去，大下揉，細下雀，是錯誤的第一步，千萬會記得，穩穩啊拌，輕輕啊翻，才勿會渃破檸檬皮流出檸檬油，『若是渃出油，放久會沒好味』，拌好，蓋蓋放冰箱，浸7天，每天攪(tsiau)一擺，檸檬會發酵，慢慢皮會凸厚，大約有3偣，湯汁變稠是正常，時間若到，日焰，鋪薄收湯盤，提出來曬，兩點鐘翻一擺，無日收入鐹又拌一擺，推入冰箱內，湯盤洗清去，放予焦，隔轉天，照步從頭來，曬到摸起來(親像手心肉)柔軟，乾水祙粘thi，才將2兩梅粉拌予(均勻)，免閣冰，隔轉工，閣曬半工就完成，放予冷才包裝，還是裝罐放冰箱。 ui(從)切檸檬到包裝，遇到好天做二禮拜，算你有照步來，遇到烏陰天，做三禮拜，嘛應該(需要)，抑有較酷刑代，遇到歹天透風又落雨，thu(延)四禮拜，嘛愛渡你才知，有外辛苦，好食的檸檬乾，會生甘止喙焦，檸檬油予人口氣芬芳，精神爽，其中的酵素，會幫助消化，促進健康，阮的步數盡展，你若聽(看)，祙祥細，免寫批、E-mail嘛毋免打電話問在座的，厝邊隔壁著無問題，恁若有好的手路，毋免謙虛，嘛麥放步，互相研究，才會進步，人講食是福做是祿，自己做的檸檬乾，吃起來介幸福會當添祿、添壽又添福，祝逐家健康閣幸福。 [上一頁] [下一頁] 最後修改日：2017/4/3

阿洲水果行地址 台中市南屯區懷德街63巷1號　

＜周六公休‧來電客服時間 AM8:30~PM4:30‧本網站保有訂單與否的權力。＞
＜阿洲水果行網路商店，24H 服務信箱：linjouthai@gmail.com
站上各水果圖片、文章歡迎轉載引用，請保留原出處與連結(如：www.365fruit.com等)
歡迎您 e-Mail 與阿洲聯絡電話︰04-2258-7009 傳真︰ 04-2252-3687＞